BackupMyBlog, blogen segurtasun kopiak egiteko zerbitzua
Noizbait pentsatu ahal duzu zure blogaren datuak gordetzen dituen datubasea pikutara joan daitekela eta datu guztiak galdu? Ba bai, eta nahiz eta zure bloga ostatzen duen hosting zerbitzuak zure datubaseen segurtasun kopiak egin, desastreak gertatu daitezke eta gertatu egiten dira. Horrexegatik, behar beharrezkoa zure kontura zure blogaren segurtasun kopiak egitea eta ahal bada, egunero egitea, horrela datuak (eta lana) galtzeko aukera murriztuko dituzu.
Segurtasun kopiak egiteko modu asko daude, baina orokorrean datubasearen estruktura eta edukiak SQL formatuan gordetzea izaten da egokiena. Ba horixe bera da BackupMyBlog zerbitzuak egiten duena.
Zerbitzua erabiltzeko beharrezkoa da zure blog propioa ostatzea, zure datubase propioa izatea, zure datubasearen konexio datuak ezagutzea eta zure blogaren zerbitzarira FTP edo SSH sarrera izatea. Beraz, zerbitzu honek ez du balio Mundua.com, Blogari.net edo Blogak.com moduko zerbitzuetan ostaturiko blogen segurtasun kopiak egiteko.
Zerbitzua erabiltzea nahiko sinplea da eta konfiguratzeko bi aukera eskientzen ditu: automatikoa eta manuala.Zerbituza erabili eskero, modu manuala erabiltzea gomenatzen dizuet, horrela zerbitzuak zer egiten duen atzemango duzue. Zerbitzua konfiguratu ondoren, BackupMyBlog zerbitzuak egunero zure datuabasearen kopia bat egin eta gordetzen du.
Zerbitzua oraindik “beta” fasean dago eta oraingoz dohakoa da, baina badirudi “beta” fase bukatu bezain laster zerbitzuagatik ordaindu beharko dela. Dena den, espekulazioa besterik ez da.
Egia esan nahiko zerbitzu “tontoa” da eta bere helburua segurtasun kopiak egitea bada ere, datubasea ezabatzeko aukera ere badago. Azken finean, zure blogean BackupMyBlog-ek emaniko script bat jarri behar duzu, horrela script-ak zure datubasera sartzeko baimena izango du. Script honek errore bat badu, agian zure datu guztiak ezabatu ditzake. Dena den, argi dago, zerbitzu honen egileek kontu handiz egingo zutela script hau, beraz arriskua mÃnimoa dela esango nuke. Gainera, script hau PHP lengoian idatzia dago eta kodea ikus daiteke.
Bestalde, script-ari datubasea irakurtzeko baimena (SELECT baimena) soilik duen MySQL erabiltzaile baten datuak ematen badizkiozu, ez dago inolako arriskurik. Dena den, azken hau egiteko gai bazara, seguru “mysqldump” komandoa erabiltzeko gai zarela edo zure blogean backup-ak egiteko plugin bat instalatzeko gai ere bazarela.