Euskaldunok gure slashdot efektua merezi dugu!
Sustatu.com euskaldunon Slashdot edo Barrapunto-a baldin bada eta zabadu.com gure Digg edo Menéame-a baldin bada, gure Slashdot efektua izateko osagai guztiak ditugula esan genezake. Ala agian ez?
Slashdot efektua, bisitari asko dituen webgune batek beste webgune txikiago bati lotura bat jartzen dionean gertatzen den fenomenoa da: webgune txikiaren bisitari kopurua hainbeste handitzen denez, oso aztiro funtzionatzen hasiko da eta batzuetan, webgune txikia guztiz jauzita egongo baliz moduan ikusiko dugu.
Aipaturiko webgune guztiak antzeko funtzionamendua daukate: beste webgune batzuetara erreferentzia eginez eztabaida bat sortzen duten. Izaera antzeko izan arren, ezberdintasun nabarmen bat daukate: ingelerazko eta gazterlerazko irakurle kopurua askoz handiagoa da, eta hain da handia, slashdot efektua probokatzeko gai direla.
Euskaldun internautak ba al gara efektu hau sortzeko gai? Gaur egun ez dut uste. Baina urte pare bat barru, euskarazko eduki eta irakurle kopurua handintzen baldin badoa, agian, Sustatu.com, zabaldu.com edo beste webguneren batek zure webgunea, unez batez, zorabiaturik uzteko gai izango dira.